सद्भाव साटासाट गरी जितिया पर्व सम्पन्न

काठमाडौँ । विभिन्न जिल्लामा स्थायी बसोबास भई काम विशेषले काठमाडौँमा बस्दै आएका थारु समुदायले एक आपसमा सद्भाव साटासाट गर्दै जितिया पर्व सम्पन्न गरेको छ । 

थारु महिला समाजले बुधबार नेपाल प्रज्ञा प्रतिष्ठानमा आयोजना गरेको सांस्कृतिक कार्यक्रममा थारु महिलाले आफ्नो वेशभूषामा पौराणिक गीत गाएर दुःख, विरहका भावना अभिव्यक्त गरेका थिए ।

बिहानै नुहाई पवित्र भई व्रत बसेर पारिवारिक सुख, शान्ति तथा समृद्धिका लागि यो समुदायले यस किसिमको सांस्कृतिक पर्व मनाउने प्रचलन छ ।

श्रम तथा रोजगार राज्यमन्त्री दिल्लीबहादुर चौधरीले आदिम कालदेखि नेपालमा बसोबास गर्ने थारु समुदायका विभिन्न पर्व तथा संस्कृतिलाई राष्ट्रिय तथा अन्तरराष्ट्रिय तहमा प्रवद्र्धन गर्नुपर्नेमा जोड दिए ।

सांसद रुक्मिणि चौधरीले थारु समुदायले राष्ट्रिय चाडका रुपमा जितिया पर्वलाई मान्ने गरेको बताउँदै परापूर्व कालदेखि नै यस पर्वको महत्व रहँदै आएकाले यसलाई समाजमा व्यापकता बढाउन सार्वजनिक बिदाको माग गरे ।

विवाहित थारु महिलाले आफ्नो घर परिवारको उन्नतिका लागि जीतमान बाबाको पूजा गर्दै सांस्कृतिक नाचगान गरी सो पर्व मनाउँदै आएको जानकारी दिए ।

Leave a Reply

Your email address will not be published. Required fields are marked *