बाढीपीडितलाई साढे पाँच लाख सहयोग

काठमाडौँ । नेपाली काँग्रेसका नेता प्रकाशमान सिंहले काँग्रेस प्रजातान्त्रिक मूल्य र मान्यताअनुरुप चल्नु पर्ने बताउनुभएको छ ।

नेपाली काँग्रेस काठमाडौँ जिल्ला समितिले विजयादशमी, शुभ दिपावली तथा छठ पर्वको अवसरमा ‘शुभकामना आदानप्रदान’ कार्यक्रममा नेता सिंहले पार्टी विधिसम्मत र नियमसम्मत तरिकाले चल्न नसकेको भन्दै गुनासो गरे ।

पार्टीलाई सुधार गर्नका लागि व्यक्ति भन्दा पनि पार्टीको मूल्य मान्यता र आदर्शलाई अगाडि बढाउनु जरुरी रहेको उनको भनाइ थियो । काँग्रेस केन्द्रीय सदस्य नवीन्द्रराज जोशीले यो मेरो वा यो तेरो मान्छे भन्दा पनि काँग्रेसको मान्छे बनेर निर्वाचनमा गए मात्र काँग्रेसले जित हासिल गर्नसक्ने बताए ।

निर्वाचनमा पार्टीले तय गरेको उम्मेदवारको पक्षमा भोट माग्न र जिताउन आम नेता तथा कार्यकर्ता लाग्नुपर्ने उनको भनाइ थियो । काँग्रेस केन्द्रीय सदस्य ध्यानगोविन्द रञ्जितले काँग्रेसले गरेका राम्रा काम आम जनतामाझ लगेर जनताको मन जित्नुपर्ने बेला आएको बताए ।

नेपाली काँग्रेस काठमाडौँका सभापति सवुज बानियाँले प्रदेश र प्रतिनिधिसभाको निर्वाचनका लागि उम्मेदवार तय गर्न केन्द्रबाट निर्देशन जारी भइसकेको भन्दै सबै वडा तथा क्षेत्रले राम्रो उम्मेदवारलाई छनोट गरी जिल्ला शाखामा पठाउन सबैलाई आग्रह गरे ।

कार्यक्रममा तराईमा आएको बाढीका पीडितलाई सहयोग गर्नका लागि काठमाडौँ काँग्रेसले उठाएको पाँच लाख ५५ हजार पाँच सय ५५ काँग्रेस केन्द्रीय कार्यालयका मुख्यसचिव कृष्णप्रसाद पौडेललाई प्रदान गरिएको थियो ।

Leave a Reply

Your email address will not be published. Required fields are marked *