नेकपाका पोलिटब्यूरो सदस्य सरद्सिंह भण्डारी मूलघरमै फर्किए

होम साउँद अछाम २१ असोज

बिप्लब निकट नेपाल कम्युनिष्ट पार्टीका पोलिटब्युरो सदस्य एवं सात नं.प्रदेश ईन्चार्ज सरदसिंह भण्डारी सहितको टिम ने.क.पा. (माओवादि केन्द्र) मा समाहित भएको छ । शनिबार (माओबादी केन्द्र) का अध्यक्ष प्रचण्डको हातबाट टिका ग्रहण गर्दै नेता भण्डारी (माओबादी केन्द्र) मा समाहित भएका हुन ।

हाल ने.क.पा. को सुदूरपश्चिम कमाण्ड इन्चार्ज समेत रहनुभएका नेता भण्डारी २०६४ को संविधान सभा निर्वाचनमा अछाम क्षेत्र नम्बर २ बाट निर्बाचित भएका थिए ।

नेता भण्डारी जनयुद्धकालमा सुदूरपश्चिमका प्रभाबशाली नेताका रुपमा परिचित थिए । भण्डारीको माओबादी केन्द्रमा पुनः आगमन भए संगै अछामका माओबादी नेता कार्यकर्तामा खुशी छाएको छ । नेता भण्डारी लगायत सुदूरपश्चिमका दर्जनौं नेता कार्यकर्ता माओबादी केन्द्रमा समाहित भएको माओबादी केन्द्रका जिल्ला संयोजक झपट साउँदले जानकारी दिए । साउँदका अनुसार अछाम जिल्ला पार्टीको लामो कसरत पछि यो प्रक्रिया सम्भव भएको हो ।

प्रकाशित २१ असोज २०७४, शनिबार

Leave a Reply

Your email address will not be published. Required fields are marked *