म्याग्दीमा हरेक सुत्केरीलाई १० हजार सहयोग दिइने

म्याग्दी,पौष ७

फाइल तस्वीर

म्याग्दीको अन्नपूर्ण गाउँपालिकाले गाउँसभाका महिला सदस्यहरु सुत्केरी भए सहयोगस्वरुप एकमुष्ट रु १० हजार दिने भएको छ।

अन्नपूर्ण गाउँ कार्यपालिकाको हालै सम्पन्न बैठकले गाउँ सभाका सदस्य महिला सुत्केरी भए १० हजार दिने र गाउँपालिकाभित्रका अरु गर्भवती

, सुत्केरी महिलाका साथै गरिब तथा विपन्नको उपचारमा सहज हुने गरी कोषको स्थापना गर्ने निर्णय गरेको हो।

गाउँपालिकाका अध्यक्ष डमबहादुर पुनले अनुसार गाउँपालिकाभित्र रहेका प्रत्येक वडामा एक–एक लाख रुपैयाँ बराबरको आपत्कालीन कोष स्थापना गरिएको छ। गाउँपालिकाको दुर्गम क्षेत्रमा रहेका महिलालाई गर्भवती अवस्थादेखि प्रसूतिसम्म आवश्यक पर्ने स्वास्थ्य सेवाका बारेमा समेत सचेत रहेको पुनले बताए।

जलविद्युत् र पर्यटनमा जिल्लामै अब्बल मानिएको गाउँपालिकाले आन्तरिक स्रोत व्यवस्थापनलाई समेत प्राथमिकता दिएको छ। रासस

 

Leave a Reply

Your email address will not be published. Required fields are marked *