उपचारमा सहयोग गरिदिन गृहमन्त्रीलाई दलमर्दन कामीको अनुरोध !

चैत्र १८

माननीय गृहमन्त्री ज्यु,

बिगत चार बर्ष देखि म मुटु रोगको कारण अस्वस्थ रहँदै नेपालको वीर हस्पिटल, मनमोहन, गङ्गालाल लगायतका हस्पिटलमा चेकजाँच पछी मेरो मुटुमा 3.5 cm को ठुलो प्वाल भएको र तत्काल अप्रेसन गर्न पर्ने तर मेरो मुटुमा अत्यन्तै ठुलो प्वाल भएकोले नेपालमा अप्रेसन गरि निको पार्न अत्यन्तै जोखिमपूर्ण रहेको भनी नेपालका हस्पिटलहरुमा अप्रेसन गर्न नसक्ने भने पछी एक बर्ष देखि दिल्ली स्थित इन्द्र प्रसाद अपोलो हस्पिटलमा उपचार गराउदै आएको थिएँ ।

तर तीन महिना देखि मेरो स्वास्थ्य अवस्था दिनानुदिन गम्भीर हुँदै गएकोले पुनः एक महिना दस दिन देखि भारतको दिल्ली स्थित इन्द्र प्रसाद अपोलो हस्पिटलमा वरिष्ठ मुटु रोग बिसेसज्ञ Dr.rajiv kumar rajput द्वारा एक हप्ताको चेकजाँच पछी तिन हप्ता अघि अप्रेसन भएको थियोे । मुटुको अप्रेसन पछी हस्पिटल नजिक रहि डाक्टरको निगरानीमा रहने गरि तिन हप्ता अगाडि हस्पिटल बाट बिदा लिएको थिए तर हस्पिटल बाट मष्कअजबचनभ भएको दुई दिन बित्न नपाउदै पुन मेरो मुटुको धद्कन एक्कसी बढेर ७० हुनुपर्नेमा २४० भइ BP -0 मा पुगेको अन्तिम अवस्थामा तत्काल इमर्जेन्सीमा भर्ना भइ (ELECTRIC SHOCK) दिई तिन दिन आइसियु र पाँच दिन जनरल वाडमा उपचार पछी पुन डाक्टरको निगरानीमा रहेर औसधि खानलाई हस्पिटल बाट बिदा दिएको तीन दिन पछी फेरि मुटुको धड्कन बढेर पुन इमर्जेन्सीमा भर्ना भइ दोस्रो पटक (ELECTRIC SHOCK) बाट उपचार भइ तेस्रो पटक पुनर्जीवन पाई अहिले पुनः डाक्टरले दिनुभएको सल्लाह अनुसार केही समय सम्म औसधि खाइ स्वास्थ्यलाई अलि सुधारमा ल्याएर मुटुमा (LASER PROCESS) गर्नुपर्ने बताउनु भएको छ । यसर्थ अहिले म दिल्ली स्थित अपोलो हस्पिटलकै नजिक जसौला भन्ने ठाँउमा रहि औसधि उपचार गराइरहेको छु जसलाई डाक्टरको भासामा (ANESTHESIA ATTACK ) भनिदो रहेछ ।

माननिय गृहमन्त्री ज्यु !

मुटुको अप्रेसन र त्यस पछी पटकपटक मुटुको धड्कन (ANESTHESIA ATTACK) को उपचार बापत हस्पिटलमा अहिले सम्ममा करिब १३ लाख रुपैयाँ खर्च भैसकेको छ । अहिले म भारतकै एक जना भाइ बहिनी simon darnal र rajina subba को साहारामा म र मेरो श्रीमती बसिरहेकाछौ । जसलाइ मैले जिवनमा पहिलो पटक आठ महिना अधि मात्रै भेटेर साथी बनाएको थिए । उनै भाइ बहिनीले मलाई हस्पिटलमा उपचार गर्दा तिर्न नसकेको बाकी एक लाख नब्बे हजार रुपैयाँ ऋण तिरेर निकाल्नु भइ अहिले उहाहरुकै सहयोगमा खाना बस्न र उपचारमा आवाज जावत समेत गरिरहेको छु ।अप्रेसन पछीको पटकपटक मुटुको धड्कन (ANESTHESIA ATTACK)उपचारमा लागेको खर्च मध्ये एक लाख नब्बे हजार आइसी रुपैया भाइ simon darnal र rajina subba ले ऋण खोजेर हस्पिटलमा तिरी मलाई हस्पिटल बाट निकाली दिनु भएको छ र अहिले हस्पिटलकै नजीक जसौला भन्ने स्थानमा रहि डाक्टरको निगरानीमा उपचार गराइ रहेको छु। भाइ बहिनीले हस्पिटलमा तिरिदिनु भएको एक लाख नब्बे हजार आइसी रुपैयाँ ऋण तत्काल तिर्नुपर्ने छ । अहिलेसम्म खान बस्न समेत अत्यन्तै कठिनाई पूर्वक उनै भाइ simon darnal र rajina subba को कोठामा बसेका छौ । भाइ बैनी लाई मैले दोस्रोपटक भेटेको हु र उहाँहरु पनि अर्काको घर भाडामा बस्नु भएको रहेछ । एक पटक मात्रै भेटेको मान्छेले दोस्रोपटक यति ठुलो सहयोग पुर्याउनु चानचुने विषय होइन उहाहरुकै अनमोल सहयोगमा पटकपटक मेरो जीवनलाई बचाउन मलाई सहयोग पुर्याइरहनु भएको छ म मेरो हृदय देखि उहाँहरुलाइ धेरै सम्मान गर्दछु ।

माननीय मन्त्री ज्यु,

पटकपटक हुने मुटुको धड्कन अर्थात (ANESTHESIA ATTACK) लाइ सहि ठाउमा ल्याउनु मुटुमा (LASER PROCESS) बाट उपचार गर्नुपर्ने छ । जसको लागि आइसी पाँच लाख पचास हजार रूपैया हस्पिटलमा लाग्नेछ । उपचारका लागि लिएर आएको एघार लाख सत्तरी हजार सबै रुपैया सिद्दिएर एक लाख नब्बे हजार आइसी रुपैयाँ ऋण लागि सकेको छ भने यहाँ रहेर खाना बस्न सामान्य यातायात खर्चको समेत अभावले म र मेरो श्रीमती सुसिला बिक अत्यन्तै सङ्कटमा रहेको जानकारी अनुरोध गराउन चाहान्छु ।

माननीय मन्त्री ज्यु,

मैले अहिलेसम्म समाज र राष्ट्रमा प्रत्येक्ष देखिने किसिमका खासै केही उपलब्धिहरु गर्न नसकेको भएता पनि म करिब अठार बर्षदेखि निरन्तर सामाजिक र राजनीतिक अभियान्ताको रूपमा काम गर्दै आएको हँु र अहिले पुर्व प्रधानमन्त्री बाबुराम भट्टराई ज्युको नेतृत्वमा रहेको नयाँ शक्ति पार्टी नेपालको केन्द्रिय सचीवालय सदस्यका रूपमा रहिआएको छु । ब्यक्तिगत र परिवारलाई आय आर्जनका लागि आर्थिक उपार्जनका कुनै पनि काम नगरीकन सामाजिक र राजनीतिक अभियानमा लागेको कारण मेरो आर्थिक अवस्था अति दयनीय रहेको छ ।

मन्त्री ज्यु, आर्थिक कम्जोर भएको भएता पनि करिब चार बर्ष देखि अहिले सम्म मेरा आफन्तजन शुभचिन्तक शुभेच्छुक साथीहरूको अपार माया, सदभाब, शुभेच्छया राख्दै आफू र आफ्नो परिवारको गाँस काटेर यथासक्दो आर्थिक सहयोग समेत गर्नुभएको कारणले मैले मेरो उपचार गर्दै अहिलेसम्म म बाचिरहेको थिए तर अहिले आर्थिक अभावको कारण पूर्ण उपचार गर्न नपाएर जीवन मरण जस्तो अत्यन्तै कठिन अवस्थामा छट्पटी रहेको छु ।

यसर्थ, माननीय गृहमन्त्री ज्यु,

अहिले तत्काल हस्पिटलमा तिरेको ऋण एक लाख नब्बे हजार, पुन मुटुको (LASER PROCESS) गर्न लाग्ने पाँच लाख पचास हजार र औसधि, खाना बस्न र उपचार पश्चात् नेपाल फर्किनु यातायातमा लाग्ने सम्म पैसा नभएकोले अत्यन्तै कठिनपूर्ण जीवन मरणको दोसाँध अवस्थामा छु अहिले मलाई कम्तिमा पनि करिब चौध लाख पचास हजार नेपाली रुपैयाँको अभावमा रहि जीवन मरणासन अवस्थामा रहेको कुरा हजुर समक्ष जानकारी अनुरोध गराउदछु ।

माननीय मन्त्री ज्यु,

म एक नेपाली नागरिक, सामाजिक, राजनीतिक कार्यकर्ताको जिम्मेवारीमा रहि काम गर्दै आएको तर अहिले मुटुमा समस्या आइ नेपालमा उपचार असम्भव भए पछी छिमेकी मुलुक भारतमा आइ मुटुको अप्रेसन सफल भएको पछी पुन मुटुको धड्कन (ANESTHESIA ATTACK) जम्मा ४० हुनुपर्नेमा २८० हुने र BP 0 मा आइ पटकपटक जिबनमरण अबस्थामा पुगिरहेको छु जसको उपचार (LASER PROCESS) द्वारा गर्नुपर्ने डाक्टरले सल्लाह दिनु भएको छ यो (LASER PROCESS) गर्नु पाँच लाख पचास हजार रुपैयाँ हस्पिटलमा बुझाउनु पर्ने हुन्छ यसकारण अहिले म आर्थिक अभावले जिबन मरणको दोसाँधमा रहेको छु । यसकारण,

नेपाल सरकारको गृह मन्त्रालयका माननीय गृहमन्त्री ज्यु हजुर समक्ष एक सामाजिक राजनीतिक नागरिक अभियान्ता म दल मर्दन कामी अहिले आर्थिक अभावको कारणले जीवन मरण अवस्था दिल्लीमा रहेकोछु । नेपाल सरकार बाट मेरो उपचाररत बाच्न पाउने अधिकारको सुनिश्चित गर्नका लागि विनंम्र अनुरोध गर्दै अहिले तत्काल मलाई उपचार गर्न र उपचार पश्चात् नेपाल फर्कनु समेत कम्तीमा पन्ध्र लाख रुपैयाँको आवश्यकता रहेको छ । यसर्थ मलाई उपचार र त्यस पश्चात् नेपाल फर्कनु सम्म लाग्नसक्ने कम्तिमा पन्ध्र लाख रुपैयाँ राज्यकोषकोबाट सकेसम्म चाडोभन्दा चाडो आर्थिक सहयोग गरि मेरो जीवन बचाइ दिनुहुन माननीय गृहमन्त्री ज्यु हजुर समक्ष विनम्र अनुरोध गर्दछु ।

निबेदक

दल मर्दन कामी

तेह्रथुम जिल्ला, दागपा–२

मोबाइल नम्बर ९८५११५६१९६

८७३२८०५७९५ (दिल्ली भारत) ।

 

Leave a Reply

Your email address will not be published. Required fields are marked *