सुदूरपश्चिम प्रदेश सभा बैठक बस्दै

उषाकिरण ज्योती
  २६ माघ २०७७, सोमबार १०:२०

उषाकिरण ज्योती,धनगढी । सुदूरपश्चिम प्रदेश सभाको हिउँदे अधिवेशन सोमवारदेखि सुरु हुने भएको छ।

बजेट अधिवेशन अन्त्य भएको ६ महिनापछि प्रदेशसभाको बैठक दिउँसो १ बजे सुरु हुन लागेको प्रदेश सभा सचिवालयले जनाएको छ।

बैठकमा सरकारबाट तर्फबाट पेश भएका विभिन्न तीन वटा विधेयक टेबुल गर्ने कार्यसूची तय भएको छ।

नेकपा विभाजनपछि पहिलो पटक बस्न लागेको प्रदेशसभा बैठकलाई चासोका साथ हेरिएको छ। ३७ सदस्यसहित प्रदेशसभामा दुई तिहाइ प्रदेशसभा सांसद रहेको नेकपा विभाजनपछि दुई समूहमा विभाजित भएका छन्।

सरकारको नेतृत्व गरिरहेको प्रचण्ड–नेपाल समूहसँग ३० जना र ओली समूहसँग ७ जना प्रदेशसभा सदस्य रहेका छन। मुख्यमन्त्री त्रिलोचन भट्टले पुस १४ गते भौतिक पूर्वाधार विकास मन्त्री पठानसिंह बोहरालाई बर्खास्त गरेका थिए। त्यसपछि आर्थिक मामिला तथा योजना मन्त्री झपट बोहराले राजीनामा दिएका थिए।

आकांक्षी धेरै हुँदा मुख्यमन्त्रीले रिक्त मन्त्रालयमा अहिलेसम्म मन्त्री नियुक्त गर्न सकेका छैनन्।

Leave a Reply

Your email address will not be published. Required fields are marked *