जगत विश्वकर्मा बने एमाले गण्डकी प्रदेश अध्यक्ष

समताखबर
  १० चैत्र २०७७, मंगलवार २१:३४

पोखरा । नेकपा एमालेको गण्डकी प्रदेश कमिटी अध्यक्षमा जगतबहादुर विश्वकर्मा चयन भएका छन् । पूर्व युवा तथा खेलकुदमन्त्री विश्वकर्मा कास्कीबाट निर्वाचित प्रतिनिधिसभा सदस्य हुन् । विश्वकर्मा अध्यक्षमा चयन भएसँगै अब एमालेका सातै प्रदेश अध्यक्षको टुंगो लागेको छ ।

अध्यक्ष विश्वकर्माले मंगलबार पदभार ग्रहण गरेका छन् । प्रदेश कार्यालय नयाँबजारमा भएको कार्यक्रममा विश्वकर्मालाई पार्टी सचिव गोविन्द नेपालीले पदभार ग्रहण गराएका हुन् ।

पदभार ग्रहणपछि प्रदेश अध्यक्ष विश्वकर्माले नेपाली कम्युनिष्‍ट आन्दोलन चुनौतीको मोडमा आएकाले त्यसलाई सुदृढ गर्दै अगाडि बढाउन जरुरी रहेको बताए । उनले पार्टी कार्यकर्तालाई पनि त्यही अनुसार अघि बढ्न सुझाए । ‘नेकपा एमालेलाई एकताबद्धरूपमा अघि लैजान जरुरी छ’, उनले भने ।

Leave a Reply

Your email address will not be published. Required fields are marked *