भोटेकोशी बाढीमा मृत्यु हुनेको संख्या ४६९ पुग्यो

काठमाडौँ । भोटेकोशी बाढीमा परी मृत्यु हुनेको संख्या ४६९ पुगेको नेपाल प्रहरीले जनाएको छ। चितवनमा सबैभन्दा बढी १७८, नवलपरासी पूर्वमा ११०, गोरखामा ४४, नुवाकोटमा ३७ र धादिङमा ३३ जनाको शव फेला परेको छ।

बाढी प्रभावित क्षेत्रबाट हालसम्म रसुवा, नुवाकोट र धादिङमा गरी १ हजार ५४५ जनाको उद्धार गरिएको छ। काठमाडौँ उपत्यकाका विभिन्न अस्पतालमा ६० घाइतेको उपचार भइरहेको छ।

बाढीपछि नेपाली सेना, नेपाल प्रहरी, सशस्त्र प्रहरीसहित विभिन्न सरकारी कार्यालयका कर्मचारी पनि सम्पर्कविहीन भएका छन्। रसुवामा सर्वसाधारणसहित २ हजार ३८१ जना सम्पर्कविहीन रहेको प्रहरीले जनाएको छ।

सम्पर्कविहीनमध्ये नेपाली तथा विदेशी नागरिकसमेत छन्। प्रहरीले प्रभावित क्षेत्रमा बेपत्ता नागरिकको खोजी तथा शव पहिचानको कामलाई तीव्रता दिएको जनाएको छ।