भोटेकोशी बाढीपीडितलाई डोटीका स्थानीय सरकारबाट ११ लाख सहयोग

डोटी । भोटेकोशी बाढी प्रभावितका लागि डोटीका छ वटा स्थानीय तहले ११ लाख १२ हजार दुई सय २२ रुपैयाँ सहयोग गर्ने निर्णय गरेका छन् । प्रधानमन्त्री प्रकोप उद्धार कोषमा उक्त रकम जम्मा गर्ने निर्णय गरिएको हो ।

दीपायल सिलगढी नगरपालिकाले राहात तथा उद्धारका लागि चार लाख रुपैयाँ सहयोग गर्ने निर्णय गरेको छ । यस्तै, नगरपालिकाका सबै जनप्रतिनिधि र कर्मचारीले एक महिनाको सेवासुविधाको १० प्रतिशत रकम प्रधानमन्त्री प्रकोप उद्धार कोषमा जम्मा गर्ने निर्णय गरेको छ ।

यस्तै, शिखर नगरपालिका र बोगटान फुड्सिल गाउँपालिकाले दुई–दुई लाख रुपैयाँ, सायल गाउँपालिकाले एक लाख ११ हजार १११ रुपैयाँ, आदर्श गाउँपालिकाले एक लाख एक हजार १११ र पूर्वीचौकी गाउँपालिकाले एक लाख रुपैयाँ दिने निर्णय गरेका छन् ।