काठमाडौं । नेपाली कांग्रेसका महामन्त्री प्रदीप पौडेलको ध्यान बहुमत ल्याउनतिर भएको बताएका छन् । पार्टीको स्याङ्जा-काठमाडौं सम्पर्क समितिको अन्तरक्रिया कार्यक्रममा बोल्दै बहुमत नआएर ठूलो पार्टी बनेको अवस्थामा नेतृत्व नपाए सरकारमै नजाने बताए ।
उनले भने, ‘बहुमत ल्याएपछि सरकारमा नजाने कुरै भएन, बहुमत ल्याएर हिजोका अनुभवको आधारमा विगतका गल्तीहरूलाई सच्चाएर देश बनाउने गरी सरकार चलाउँछौँ । ठूलो पार्टी भयौँ भने कांग्रेसले सरकारको नेतृत्व गर्न पाएन भने पनि सरकारमा जादैनौँ । तर, ठूलो पार्टी भयौँ भने सरकारको नेतृत्व गर्ने दाबी गर्छौँ ।’
उनले हिजो ठूलो पार्टी हुँदा पनि कांग्रेसलाई सरकारको नेतृत्व गर्न नदिँदा दोस्रो र तेस्रो दलको नेतृत्वमा सरकारमा गएर गल्ती गरेको बताए ।
उनले थपे, ‘हिजो हामीले गल्ती गर्यौँ, हामी दोस्रो त हुँदैनौँ । तर, केही गरी भइएछ भने सरकारमा जाने छैनौँ । संसदीय व्यवस्थालाई हामीले पालना गर्नेर्छौँ । पहिलो र दोस्रो पार्टी मिलेर संसदीय व्यवस्थामा सरकारमा जान हुँदैन । यो कुरामा हामी चुक्यौँ, जे गरे पनि सत्ता मात्रै हो भन्ने सोच हामीले बदलेका छौँ ।’
उनले नेतृत्व परिवर्तनपछि पार्टीप्रति देशैभर आकर्षण बढेको जिकिर गरे ।








प्रधानमन्त्री बालेन्द्र साहको भारत भ्रमणमा हवाई रुट मुख्य एजेन्डा
दुई करोड ४६ लाख खर्चेर बनाइएको खानेपानी संरचना तीन वर्षदेखि अलपत्र
बर्दियाको जब्दीघाटमा ६७ करोडको नयाँ पुल बन्दै
लोहोरो हानेर श्रीमतीको हत्या
शैलुङ बन्दै चलचित्र छायाङ्कनको नयाँ गन्तव्य