सिन्धुपाल्चोक । २०७९ को स्थानीय तह निर्वाचनमा जुगल गाउँपालिकाबाट नेकपा एमालेका अध्यक्ष पदका उम्मेदवार जयबहादुर लामा नेपाली कम्युनिस्ट पार्टी (नेकपा) मा प्रवेश गरेका छन् ।
लामासँगै २०७४ को स्थानीय निर्वाचनमा जुगल गाउँपालिका–३ बाट नेपाली कांग्रेसबाट निर्वाचित वडा अध्यक्ष सानुकान्छा लामा पनि नेकपामा प्रवेश गरेका छन् ।
नवप्रवेशीहरुलाई नेकपाका संयोजक पुष्पकमल दाहाल ‘प्रचण्ड’ले पार्टी प्रवेश कार्यक्रममा स्वागत गरे । कार्यक्रममा जुगल गाउँपालिकाका पूर्व कार्यपालिका सदस्य उमेश कार्की, एमालेका स्थानीय कार्यकर्ता कान्छा नेपाली, छेवाङ लामा, जोनसेन लामा लगायतका दर्जनौँ नेता–कार्यकर्ता नेकपामा समाहित भएका छन् ।
जयबहादुर स्थानीय तहको पहिलो निर्वाचनमा नेपाली कांग्रेसबाट जुगल गाउँपालिकाको अध्यक्ष पदका उम्मेदवार थिए । २०७९ को स्थानीय निर्वाचनमा भने मनोनयनको अघिल्लो दिन एमाले प्रवेश गरी अध्यक्ष पदका उम्मेदवार बनेका थिए । सानुकान्छा लामा पनि सोही समय लामासँगै एमाले प्रवेश गरेका थिए ।

जुगल गाउँपालिका नेकपा एमाले सिन्धुपाल्चोकका जिल्ला अध्यक्ष होमनारायण श्रेष्ठको गृहपालिका हो । श्रेष्ठले नै जयबहादुर लामालाई मनोनयनको अघिल्लो दिन एमालेमा भित्र्याएर अध्यक्ष पदको उम्मेदवार बनाएका थिए ।
चुनावी अभियानक्रममा जुगल पुगेका नेकपाका प्रतिनिधिसभा सदस्यका उम्मेदवार माधव सापकोटाले दुई दिनमै जुगल क्षेत्रमा उच्च राजनीतिक महत्व राख्ने नेताहरूलाई नेकपामा ल्याउन सफल भएको बताएका छन् ।
यसअघि केही दिनअघि मात्रै बाह्रबिसे नगरपालिकाका पूर्व प्रमुख निमफुञ्जो शेर्पासहितका नेता–कार्यकर्ता पनि नेकपामा समाहित भएका थिए ।








प्रधानमन्त्री बालेन्द्र साहको भारत भ्रमणमा हवाई रुट मुख्य एजेन्डा
दुई करोड ४६ लाख खर्चेर बनाइएको खानेपानी संरचना तीन वर्षदेखि अलपत्र
बर्दियाको जब्दीघाटमा ६७ करोडको नयाँ पुल बन्दै
लोहोरो हानेर श्रीमतीको हत्या
शैलुङ बन्दै चलचित्र छायाङ्कनको नयाँ गन्तव्य
रवि–बालेनको मतभेद सतहमा