ईनिसा विक हत्या प्रकरण : न्याय माग्दै माइतीघरमा प्रदर्शन

काठमाडौं : सुर्खेतकी १६ वर्षीया दलित बालिका ईनिसा विककाे बलात्कारपछि हत्या प्रकरणमा न्यायको माग गर्दै आज काठमाडौंको माइतीघरमा प्रदर्शन भएकाे छ ।

जात व्यवस्था उन्मुलन माेर्चा नेपाल र बैज्ञानिक समाजबादी बिद्यार्थी संगठनले आब्हान गरेकाे विराेध प्रदर्शनमा ठूलो संख्यामा नागरिक समाजका अगुवा, अधिकारकर्मी र दलित समुदायका विद्यार्थीहरू प्रदर्शनमा सहभागी छन्।

प्रदर्शनकारीहरूले पीडित परिवारसँग सहानुभूति व्यक्त गर्दै, घटनामा संलग्न अपराधीहरूलाई कडा कारबाही गर्न सरकारसँग माग राखेका छन्।

दलित समुदायका युवाहरूले विशेष रूपमा प्रदर्शनमा भाग लिएका छन् र “सत्यको खोजी अब ढिलो हुन सक्दैन” भन्ने नारासहित सडकमा निस्केका छन्।

प्रदर्शनमा सहभागीहरूले सरकार, प्रहरी प्रशासन र न्यायिक निकायलाई तुरुन्त निष्पक्ष छानबिन गरी दोषीहरूलाई कानूनी दायरामा ल्याउन दबाब दिएका छन्।

अधिकारकर्मीहरूले भने, यस्तो जघन्य अपराधले समाजमा भय र असुरक्षाको भावना फैलाएको भन्दै भविष्यमा यस्ता घटनाको दोहोरिन नदिन कडा कदम उठाउन सरकारलाई आग्रह गरेका छन्।

प्रदर्शन शान्तिपूर्ण तर प्रभावकारी रूपमा सम्पन्न भएको छ र सहभागीहरूले न्यायको माग जारी राख्ने आश्वासन दिएका छन्।