परराष्ट्रमन्त्री खनाल र भारतीय विदेशसचिव मिस्रीबीच भेटवार्ता

काठमाडौं । नेपाल भ्रमणमा रहेका भारतीय विदेशसचिव विक्रम मिस्रीले परराष्ट्रमन्त्री शिशिर खनालसँग शिष्टाचार भेट गरेका छन्।

बुधबार परराष्ट्र मन्त्रालयमा भएको भेटमा नेपाल–भारतबीचको द्विपक्षीय सम्बन्ध र आपसी सहकार्यका विषयमा छलफल भएको मन्त्रालयले जनाएको छ।

भेटमा दुई देशबीचको बहुआयामिक साझेदारीलाई थप विस्तार गर्ने तथा ऐतिहासिक मित्रवत् सम्बन्धलाई अझ मजबुत बनाउने विषयमा विचार आदानप्रदान भएको थियो।

प्रधानमन्त्री बालेन शाहको प्रस्तावित भारत भ्रमणको तयारी भइरहेका बेला विदेशसचिव मिस्री दुईदिने औपचारिक भ्रमणका लागि बुधबार काठमाडौं आएका हुन्।