भारतले फेरी पठायो ११ टन राहत सामग्री

काठमाडौं । भोटेकोशी विपद्पछि प्रभावित क्षेत्रमा आवश्यक सामग्रीको आपूर्ति सहज बनाउन भारतले नेपालतर्फ राहत सहयोगलाई निरन्तरता दिएको छ।

भारतले पछिल्लो पटक औषधि तथा विभिन्न अत्यावश्यक सामग्रीसहित थप ११ टन राहत सामग्री नेपाल पठाएको भारतीय विदेशमन्त्री एस। जयशंकरले जानकारी दिएका छन्।

जयशंकरका अनुसार पछिल्लो खेपमा औषधिसँगै फरेन्सिक सामग्री, पाल, सरसफाइका सामग्री, स्लिपिङ ब्यागलगायत विपद्का बेला आवश्यक पर्ने अन्य सामग्री समावेश छन्।

भारतले भोटेकोशी विपद्पछि खोज, उद्धार तथा राहत कार्यमा आवश्यक सहयोगका लागि सामग्री पठाउँदै आएको जनाएको छ।