चाडबाडमा खाना पकाउने ग्यास अभाव

काठमाडौं । दशैं नजिकिँदै गर्दा खाना पकाउने ग्यासको अभावले उपभोक्ता सास्तीमा परेका छन्। सरकारले काठमाडौंका विभिन्न डिपोबाट जुनसुकै कम्पनीका सिलिन्डर साट्न सकिने व्यवस्था गरे पनि ग्यासका लागि लामो लाइन घटेको छैन।

उपभोक्ताले घण्टौँ कुर्नुका साथै कतिपयले सिलिन्डर डिपोमै रातभर छाड्नुपरेको छ। तर, भोलिपल्ट ग्यास पाइने ग्यारेन्टीसमेत छैन।

चाडबाडमा ग्यासको माग बढिरहेका बेला सरकारी व्यवस्थापछि पनि आपूर्ति सहज हुन नसक्दा सर्वसाधारणको भान्सा प्रभावित भएको छ। उपभोक्ताले ग्यासको नियमित र सहज आपूर्ति सुनिश्चित गर्न माग गरेका छन्।