अछाममा भीरबाट लडेर महिलाको मृत्यु

अछाम । अछाममा एक महिला भीरबाट लडेर मृत्यु भएको छ । जिल्लाको पञ्चदेवल विनायक नगरपालिका वडा नम्बर ४ कालिकास्थानकि ६८ वर्षीया बासु शाहीको मृत्यु भएको हो ।

मंगलबार दिउँसो आफ्नै घरनजिकको भिरमा बाख्रा चराउने क्रममा करिब ५०० मिटर तल खसेर गम्भीर घाइते भएकी शाहीलाई उपचारका लागि जिल्ला अस्पताल मंगलसैन लैजाँदै गर्दा बाटोमै मृत्यु भएको अछाम प्रहरी प्रमुख प्रहरी नायब उपरीक्षक इश्वरीप्रसाद भण्डारीले बताए ।