कास्की-२ का कांग्रेस उम्मेदवार माधवप्रसाद बास्तोला लडेर घाइते

पोखरा । कास्की २ मा नेपाली कांग्रेसका उम्मेदवार माधवप्रसाद बास्तोला ‘मधु’ लडेर घाइते भएका छन् । उनी निर्वाचनका लागि घरदैलो गर्ने क्रममा पोखरा ११ फूलबारीमा सिँढीबाट लडेका हुन् ।

बास्तोलाको हात र खुट्टामा चोट लागेको छ । उनको उपचार भइरहेको परिवार स्रोतले जनाएको छ । उनको मणिपाल शिक्षण अस्पतालमा उपचार भइरहेको छ ।

उपचारमा संलग्न चिकित्सकका अनुसार उनको देब्रे हातको नाडी भाँचिएको र अपरेसन गर्नुपर्ने भएको छ ।