बढ्यो सुनको मूल्य, तोलाको ३ लाख ६ हजार ६ सय रुपैयाँ

काठमाडौं । नेपाली बजारमा सुनचाँदीको उकालो यात्रा कामयै छ । मंगलबार पनि बढेको सुनचाँदीको मूल्य बुधबार पनि बढेको हो ।

नेपाल सुनचाँदी व्यवसायी महासंघका अनुसार आज सुनको मूल्य तोलाको १ हजार १०० रुपैयाँले बढेको हो । आज सुन तोलाको ३ लाख ६ हजार ६०० रुपैयाँ कायम भएको छ । अघिल्लो दिन सुनको मूल्य ३ लाख ५ हजार ५०० रुपैयाँ रहेको थियो ।

त्यस्तै, आज चाँदीको मूल्य ४० रुपैयाँले बढेर ५ हजार २९० रुपैयाँ पुगेको छ । अघिल्लो दिन चाँदी  प्रतितोला ५ हजार २५०  रुपैयाँमा कारोबार भएको थियो ।