वैवाहिक बन्धनमा बाँधिए क्रिकेटर करण केसी

काठमाडौं । नेपाली राष्ट्रिय क्रिकेट टोलीका फास्ट बलर करण केसी वैवाहिक बन्धनमा बाँधिएका छन् ।

केसीले युट्युबर तथा पत्रकार वर्षा बस्नेतसँग विवाह गरेका हुन् । परिवारका सदस्य र निकट आफन्तहरूको उपस्थितिमा सम्पन्न विवाह समारोह चार दिनअघि नै भएको बताइएको छ ।

तर, दुवैले सामाजिक सञ्जालमार्फत आज मात्र विवाहका तस्वीर सार्वजनिक गरेका हुन् । लामो समयदेखि प्रेम सम्बन्धमा रहेका केसी र बस्नेतको सम्बन्धबारे क्रिकेट तथा सञ्चार क्षेत्रका साथीहरूबीच चर्चा रहँदै आएको थियो ।