हर्कको श्रम संस्कृति पार्टीले कटायो थ्रेसहोल्ड

काठमाडौँ : प्रतिनिधिसभा सदस्य निर्वाचनको समानुपातिक मतगणनामा श्रम संस्कृति पार्टीले ३ प्रतिशत थ्रेसहोल्ड पार गरेको छ।

निर्वाचन आयोगको पछिल्लो मतपरिणाम अनुसार पार्टीले आवश्यक मत प्रतिशत कटाएको छ। यद्यपि, समानुपातिकको अन्तिम मतपरिणाम आइ नसकेकोले यसमा घटबढ हुनसक्ने देखिन्छ। यदि अन्तिम नतिजाअनुसार ३ प्रतिशत कटाए राष्ट्रिय पार्टी बन्नेछ।

निर्वाचन आयोगको वेबसाइटमा सार्वजनिक विवरणअनुसार श्रम संस्कृति पार्टीले हालसम्म २ लाख ५३ हजारभन्दा बढी मत प्राप्त गरेको छ।

श्रम संस्कृति पार्टीका अध्यक्ष धरान उपमहानगरपालिकाका पूर्वमेयर हर्क साम्पाङ राई हन्। उनी प्रत्यक्षतर्फ सुनसरी-१ बाट प्रतिनिधिसभा सदस्यमा विजयी भएका छन्।