कैलालीमा लागुऔषधसहित पाँच जना पक्राउ

धनगढी । कैलालीमा लागुऔषधसहित पाँच जना पक्राउ परेका छन् । आइतबार साँझ लम्कीचुहा नगरपालिका-४ बलियाबाट सोही ठाउँ बस्ने ३८ वर्षका मेसक चौधरी र १९ वर्षका अमृत चौधरीलाई ट्रामाडोल ४३ ट्याबलेटसहित इलाका प्रहरी कार्यालय लम्कीको टोलीले नियन्त्रणमा लिएको हो ।

यसैगरी, गोदावरी नगरपालिका-२ पहाड रोड तेघरीबाट सोही ठाउँ बस्ने २७ वर्षका दिपेन्द्र राज लेखक र २२ वर्षका आशिष भण्डारीलाई १२० मिलिग्राम लागुऔषध खैरो हेरोइन जस्तो देखिने धुलो पदार्थसहित इलाका प्रहरी कार्यालय लम्कीको टोलीले नियन्त्रणमा लिएको बताएको छ ।

हिजो नै राति ११:१५ बजेको समयमा धनगढी उपमहानगरपालिका(५ लब्लीचोकबाट कैलारी गाउँपालिका-३ बस्ने २८ वर्षका निमोह चौधरीलाई १०० मिलिग्राम लागुऔषध खैरो हेरोइन जस्तो देखिने धुलो पदार्थसहित सामुदायिक प्रहरी सेवा केन्द्र हसनपुरबाट खटिएको टोलीले नियन्त्रणमा लिएको जनाएको छ ।