सल्यान जिप दुर्घटनामा तीन जनाको मृत्यु, तीन घाइते

सल्यान । त्रिवेणी गाउँपालिका–५ सिम्कमा शनिबार बिहान भएको बोलेरो जिप दुर्घटनामा तीन जनाको मृत्यु भएको छ भने तीन जना घाइते भएका छन्।

सिम्कबाट लुहाम हुँदै दाङतर्फ जाँदै गरेको लु.प्र.०२–००१ ज ०००५ नम्बरको जिप सडकबाट करिब ९० मिटर तल खसेर दुर्घटनाग्रस्त भएको प्रहरीले जनाएको छ।

दुर्घटनामा ८ वर्षीय रेशम बुढाथोकी, करिब १८ वर्षीया विपना बुढाथोकी र ५० वर्षीय डिल्लीबहादुर वलीको मृत्यु भएको हो। घाइतेमध्ये चालक भुपाल पुनको अवस्था गम्भीर छ भने पारस बोहरा र लालमति बुढाथोकीको अवस्था मध्यम रहेको प्रहरीले जनाएको छ। घाइतेलाई थप उपचारका लागि दाङको घोराही पठाइएको छ।