भोटेकोशी बाढीमा ६७७ ट्रक मजदुर अझै सम्पर्कविहीन

काठमाडौं । भोटेकोशी बाढीपछि ६७७ जना ट्रक मजदुर सम्पर्कविहीन रहेको नेपाल ट्रक यातायात व्यवसायी महासंघले जनाएको छ। महासंघका अनुसार ५१५ वटा ट्रक तथा कन्टेनरसमेत हराएका छन्।

बाढीबाट भएको मानवीय तथा भौतिक क्षतिको मूल्याङ्कन गर्न यातायात व्यवस्था विभागका महानिर्देशक राजीव पोखरेलको संयोजकत्वमा समिति गठन गरिएको छ। समितिलाई १५ दिनभित्र क्षतिको विवरण र क्षतिपूर्तिको आधारसहित प्रतिवेदन बुझाउन भनिएको छ।

महासंघले प्रारम्भिक विवरण भएकाले सम्पर्कविहीन मजदुर तथा हराएका सवारीसाधनको संख्या थप बढ्न सक्ने जनाएको छ।