काठमाडौं । नेपाली कम्युनिस्ट पार्टीमा विभिन्न पार्टी परित्याग गरी नेता तथा कार्यकर्ता प्रवेश गर्ने क्रम बढेको छ ।
मंगलबार पेरिसडाँडामा आयोजित एक कार्यक्रमका बीच नेकपा एमालेका पुराना नेता एवं मेडिकल व्यवसायी विष्णु अधिकारी र जसपाका नेता अर्जुन चौलागाईं माओवादी केन्द्रमा प्रवेश गरेका छन् ।
अधिकारी २०५२ सालदेखि एमालेमा सक्रिय रहँदै आएका थिए । नवप्रवेशी नेताहरूलाई पार्टी संयोजक पुष्पकमल दाहालले खादा लगाएर स्वागत गरेका हुन् ।
नेपाली कम्युनिष्ट पार्टी, संघीय सम्पर्क समिति केन्द्रीय निर्वाचन परिचालन समितिद्वारा आयोजित प्रशिक्षण कार्यक्रममा उनीहरूलाई पार्टीमा भित्र्याइएको हो ।
स्वागत गर्दै प्रचण्डले कम्युनिष्ट आन्दोलनको एकता र सुदृढीकरणका लागि यो प्रवेशले थप उर्जा दिने बताए ।
कार्यक्रममा पार्टीका अन्य शीर्ष नेता तथा सम्पर्क समितिका पदाधिकारीहरूको उपस्थिति थियो ।








प्रधानमन्त्री बालेन्द्र साहको भारत भ्रमणमा हवाई रुट मुख्य एजेन्डा
दुई करोड ४६ लाख खर्चेर बनाइएको खानेपानी संरचना तीन वर्षदेखि अलपत्र
बर्दियाको जब्दीघाटमा ६७ करोडको नयाँ पुल बन्दै
लोहोरो हानेर श्रीमतीको हत्या
शैलुङ बन्दै चलचित्र छायाङ्कनको नयाँ गन्तव्य
रवि–बालेनको मतभेद सतहमा