धनगढी । कैलाली-३ का प्रतिनिधि सभा उम्मेदवार विरमान चौधरी यतिबेला चुनावी अभियानमा व्यस्त छन् । घरदैलो भेटघाट, टोलसभा र अन्तरक्रिया कार्यक्रममार्फत उनी प्रत्यक्ष रूपमा मतदातासँग संवाद गरिरहेका छन् ।
जनताका समस्या सुन्ने, सुझाव संकलन गर्ने र समाधानका प्रतिबद्धता व्यक्त गर्ने शैलीका कारण उनी मतदाताको मन जितिरहेका छन् ।
विगत ३० बर्षदेखी कम्युनिस्ट राजनीतिमा सक्रिय रहेका चौधरीले स्थानीय तहदेखि नै जनताको विश्वास कमाउँदै आएका छन् । विशेषगरी दलित, थारु,आदिवासी जनजाति, महिला तथा उत्पीडित समुदायका हक-अधिकारका विषयमा आवाज उठाउँदै आएका उनी विकास र सुशासनलाई आफ्नो प्राथमिकतामा राख्ने बताउँछन् ।

उनको चुनावी अभियानमा युवादेखि ज्येष्ठ नागरिकसम्मको उल्लेख्य सहभागिता देखिएको छ । शिक्षा, स्वास्थ्य, रोजगारी र पूर्वाधार विकासलाई केन्द्रमा राखेर अघि बढेका चौधरीले कैलाली-३ लाई समृद्ध र समान अवसरयुक्त क्षेत्र बनाउने लक्ष्य राखेका छन् ।
“जनताको विश्वास नै मेरो शक्ति हो,” चौधरी भन्छन्, “म सधैं जनताको पक्षमा उभिने प्रतिबद्धता व्यक्त गर्दछु।”
चुनावी माहोल तातेका बेला विरमान चौधरीको सक्रियता र जनसम्पर्कले उनलाई बलियो प्रतिस्पर्धीको रूपमा उभ्याएको छ । उनी ०६४ सालमा प्रतिनिधि सभा सदस्य र ०७४ सालमा सुदुरपश्चिम प्रदेश सभा सदस्य निर्वाचनमा विजयी भएका थिए ।








प्रधानमन्त्री बालेन्द्र साहको भारत भ्रमणमा हवाई रुट मुख्य एजेन्डा
दुई करोड ४६ लाख खर्चेर बनाइएको खानेपानी संरचना तीन वर्षदेखि अलपत्र
बर्दियाको जब्दीघाटमा ६७ करोडको नयाँ पुल बन्दै
लोहोरो हानेर श्रीमतीको हत्या
शैलुङ बन्दै चलचित्र छायाङ्कनको नयाँ गन्तव्य
रवि–बालेनको मतभेद सतहमा