काठमाडौं । प्रतिनिधिसभा सदस्य निर्वाचनको जारी मतगणनामा नेपाली कम्युनिस्ट पार्टी (नेकपा)ले उल्लेखनीय प्रदर्शन गरेको छ। पछिल्लो मतपरिणामअनुसार नेकपाका उम्मेदवार दुई क्षेत्रमा विजयी भइसकेका छन् भने अन्य १० क्षेत्रमा अग्रता कायम गरेका छन्।
कालीकोट–१ मा नेकपाका महेन्द्रबहादुर शाही ११ हजार ३३७ मतसहित विजयी भएका छन्। उनका निकटतम प्रतिस्पर्धी नेकपा एमालेका नगीन्द्र शाहीले १० हजार ३५२ मत प्राप्त गरेका छन्।
त्यसैगरी रूकुम पूर्व–१ मा नेकपाका संयाेजक ‘प्रचण्ड’ १० हजार २४० मतसहित विजयी भएका छन्। उनका निकटतम प्रतिद्वन्द्वी नेकपा एमालेका लीलामणि गौतमले ३ हजार ४६२ मत प्राप्त गरेका छन्।
यसैबीच अन्य विभिन्न क्षेत्रमा पनि नेकपाका उम्मेदवारहरूले अग्रता कायम गरेका छन्। सिन्धुली–२ मा लेखनाथ दाहाल (राजन) ११ हजार ५७२ मतसहित अगाडि छन् भने राष्ट्रिय स्वतन्त्र पार्टीका आशिष गजुरेल ६ हजार ७८७ मतसहित पछ्याइरहेका छन्।
काभ्रे–१ मा दीननाथ गौतम ९ हजार ३६७ मतसहित अग्रस्थानमा छन् भने नेपाली कांग्रेसका गुणराज मुक्तान ७ हजार ५२६ मतसहित दोस्रो स्थानमा छन्। रोल्पा–१ मा वर्षमान पुन ८ हजार २९३ मतसहित अगाडि छन् भने नेपाली कांग्रेसका सुदनकुमार वली ४ हजार ८०२ मतसहित पछ्याइरहेका छन्।
सल्यान–१ मा रमेशकुमार मल्ल ८ हजार ३९ मतसहित अग्रस्थानमा छन् भने राष्ट्रिय स्वतन्त्र पार्टीका ललितकुमार चन्द ४ हजार ९९२ मतसहित दोस्रो स्थानमा छन्। रूकुम पश्चिम–१ मा गोपाल शर्मा ७ हजार २७२ मतसहित अग्रता लिइरहेका छन् भने प्रगतिशील लोकतान्त्रिक पार्टीका जनार्दन शर्मा ५ हजार १६० मतसहित पछाडि छन्।
अछाम–१ मा भीमबहादुर रावल ४ हजार १४४ मतसहित अगाडि छन् भने नेकपा एमालेका दिपकबहादुर साउंद ३ हजार ७९० मतसहित दोस्रो स्थानमा छन्।
सिन्धुपाल्चोक–२ मा युवराज दुलाल ३ हजार ६०६ मतसहित अग्रस्थानमा छन् भने नेपाली कांग्रेसका वंशलाल तामाङ ३ हजार २४१ मतसहित पछ्याइरहेका छन्।
रामेछाप–१ मा श्यामकुमार श्रेष्ठ २ हजार ४६६ मतसहित अगाडि छन् भने नेपाली कांग्रेसका रामचन्द्र खड्का १ हजार ९८९ मतसहित दोस्रो स्थानमा छन्।
त्यस्तै डोल्पा–१ मा धनबहादुर बुढा २ हजार ९४ मतसहित अग्रता लिइरहेका छन् भने नेपाली कांग्रेसका कर्णबहादुर बुढा ४२७ मतसहित पछाडि छन्।
हुम्ला–१ मा दीपेन्द्र रोकाया १ हजार २७१ मतसहित अग्रस्थानमा छन् भने नेपाली कांग्रेसका जयपति रोकाया ४१६ मतसहित दोस्रो स्थानमा छन्।
मतगणना जारी रहेकाले अन्तिम परिणाम आउन बाँकी रहेको निर्वाचन अधिकृतको कार्यालयले जनाएको छ ।
चिलिमे आयोजनाको सुरुङमा तीन शव फेला 
विपन्न बालबालिकालाई कपडा सहयोग 
राष्ट्रपतिद्वारा नेपाल विशेष सेवा ऐनसम्बन्धी विधेयक प्रमाणीकरण 
लागूऔषध दुर्व्यसन र आत्महत्या विरुद्ध सडक नाटक प्रदर्शन 
रसुवा बाढीको वैज्ञानिक अध्ययन गर्न ७ सदस्यीय विज्ञ समिति गठन 
जेनजी आन्दोलनको विध्वंसबारे निष्पक्ष छानबिन गर्न प्रचण्डको माग 
जेनजी आन्दोलनका माग पूरा गर्न सरकारलाई प्रकाश ज्वालाको आग्रह 
जेनजी आन्दोलनको एक वर्ष पूरा 
देउवा राहत सामग्रीसहित बाढी प्रभावित नुवाकोटतर्फ 
उद्धारमा सरकार चुकेको आङदेम्बेको टिप्पणी 
