सिके रावतले लिए संसदीय राजनितीबाट सन्यास

काठमाडौं । जनमत पार्टीका अध्यक्ष सिके राउतले संसदीय राजनीतिबाट सन्यास लिने घोषणा गरेका छन्। तर उनले राजनीतिक संघर्ष भने निरन्तर जारी रहने बताएका छन्।

सामाजिक सञ्जालमार्फत उनले संसदीय वा पदको राजनीतिबाट टाढा रहने तर राजनीतिबाट पूर्ण रूपमा अलग नहुने स्पष्ट पारेका छन्। उनले लेखेका छन्, “संसदीय राजनीतिबाट सन्यास लिने, तर संघर्षको राजनीति जारी राख्ने। पार्टीलाई आवश्यकता रहेसम्म नेतृत्व दिँदै अगाडि बढाउनेछु।”

राउतले आफू सार्वजनिक रूपमा स्पष्ट पार्न चाहेको भन्दै संसदीय पदको राजनीतिबाट टाढा रहने निर्णय गरेको बताएका छन्। तर यसलाई राजनीतिबाट बीचमै गायब भएको अर्थ नलगाउन आग्रह गरेका छन्।

उनका अनुसार उनी आफ्नो सिद्धान्त र एजेण्डालाई निरन्तर अगाडि बढाउँदै जनताको सेवामा सक्रिय रहनेछन्।