रमेश लेखक पक्राउ

काठमाडौं । पूर्व गृहमन्त्री रमेश लेखक पक्राउ परेका छन्। उनलाई भक्तपुरको कटुन्जेस्थित निवासबाट प्रहरीले नियन्त्रणमा लिएको हो।

नयाँ सरकारको मन्त्रिपरिषद् बैठकले गौरीबहादुर कार्की नेतृत्वको जाँचबुझ आयोगको प्रतिवेदन कार्यान्वयन गर्ने निर्णय गरेपछि पक्राउ प्रक्रिया अघि बढाइएको हो।

सोही प्रतिवेदनमा केपी शर्मा ओली र तत्कालीन प्रहरी प्रमुख चन्द्रकुवेर खापुङ विरुद्ध पनि अनुसन्धान सिफारिस गरिएको छ।

मुलुकी फौजदारी संहिताको दफा १८१ र १८२ अन्तर्गत लापरबाहीपूर्ण रूपमा ज्यान लिएको कसुरमा अनुसन्धान अघि बढाइएको प्रहरीले जनाएको छ।