फिल्म ‘लालीबजार’ प्रदर्शनको बाटो खुल्यो

काठमाडौँ । फिल्म ‘लालीबजार’ को प्रदर्शन रोक्न अदालतले अस्विकार गरेको छ।

उच्च अदालत पाटनका न्यायाधीश खडानन्द तिवारी र नेत्रप्रकाश आचार्यको संयुक्त इजलासले बुधबार रोशनी नेपालीको रिटमा अन्तरिम आदेश दिन अस्विकार गरेको हो।

यसअघि वैशाख १५ गते भने प्रारम्भिक सुनुवाइ गर्दै अल्पकालिन आदेश दिएर दुवै पक्षलाई छलफलमा बोलाएको थियो। जसअनुसार मंगलबार प्रदर्शन अनुमति दिने केन्द्रीय चलचित्र जाँच समितिको सक्कल फाइल झिकाउन आदेश दिएको थियो।

सोही इजलासले आजका लागि पेसी तोकेपछि रिटको टुंगो लागेको हो। अन्तरिम आदेश नआएसँगै फिल्म ‘लालीबजार’ लाई प्रदर्शनको लागि बाटो खुलेको छ।

यसअघि यो फिल्म वैशाख १८ देखि प्रदर्शनको तयारीमा रहेको थियो।