गणेश नेपालीका परिवारले दिए प्रहरीमा जाहेरी

काठमाडौं : त्रिपुरेश्वरस्थित राहदानी विभागअगाडि आत्मदाह गरेका मुगुको सोरु गाउँपालिका–१ का गणेश नेपालीको परिवारले प्रहरीमा जाहेरी दिएको छ ।

उनका दाजु मदन नेपालीले प्रहरी वृत्त, कालीमाटीमा ज्यानसम्बन्धी कसुरमा जाहेरी दर्ता गराएका हुन् । जिल्ला प्रहरी परिसर, काठमाडौंका सूचना अधिकारी प्रहरी उपरीक्षक (एसपी) पवन भट्टराईले जाहेरी परेको बताए । उनले भने,‘ज्यानसम्बन्धी कसुरमा जाहेरी दर्ता भएको छ । अब हामी अनुसन्धान अगाडि बढाउँछौं ।’

महानगर प्रहरीले मोटरसाइकलमा ह्विल लक लगाएपछि असार २५ गते सडकमै आत्मदाह गरेका गणेशको उपचारको क्रममा भोलिपल्ट वीर अस्पतालमा निधन भएको थियो । सरकार र उनको परिवारबीच हिजो घटनामा संलग्नमाथि कारबाहीसहित ९ बुँदे सहमति भएको छ ।
मृतककी श्रीमती एकमायालाई सरकारले हिजो नागरिकता प्रदान गरेको छ भने हिजोको सहमतिअनुसार महानगर पालिकाले जागिर पनि उपलब्ध गराउने छ ।
जनआस्थाबाट