तिब्बततर्फ पानीको ड्याम पुन: फुटेको भन्दै सतर्क रहन आग्रह

काठमाडौं । तिब्बततर्फ पानीको ड्याम पुन: फुटेको जानकारी प्राप्त भएको भन्दै नेपाल प्रहरीले उद्धार तथा राहत कार्यमा खटिएका सुरक्षाकर्मी, उद्धारकर्मी तथा सर्वसाधारणलाई उच्च सतर्कता अपनाउन आग्रह गरेको छ।

प्रहरीले सम्भावित जोखिमलाई मध्यनजर गर्दै नदी तथा आसपासका क्षेत्रमा रहेका व्यक्तिलाई तत्काल सुरक्षित स्थानतर्फ जान र आवश्यक जानकारी सम्बन्धित निकायलाई गराउन अनुरोध गरेको छ।

पानीको बहाव बढ्न सक्ने सम्भावनाका कारण उद्धार तथा राहत कार्यमा खटिएका सबैलाई विशेष सावधानी अपनाउन प्रहरीले अपिल गरेको हो।