काठमाडौँमा बिहानैदेखि वर्षा

काठमाडौँ । काठमाडौँ उपत्यकाका विभिन्न स्थानमा आज (शनिबार) बिहानैदेखि हल्का वर्षा भइरहेको छ। बिहानैदेखि परेको वर्षाले उपत्यकाको जनजीवन प्रभावित भएको छ।

मौसम पूर्वानुमान महाशाखाकी मौसमविद् बिनु महर्जनका अनुसार अहिले भइरहेको वर्षा केही समयपछि क्रमशः कम हुँदै जाने सम्भावना छ। तर दिउँसो पुनः वर्षा हुने पूर्वानुमान गरिएको छ।

मौसमविद् महर्जनका अनुसार दिउँसो १/२ बजेपछि काठमाडौँ उपत्यकामा फेरि पानी पर्ने सम्भावना रहेको छ। आज उपत्यकामा हल्कादेखि मध्यमसम्म वर्षा हुन सक्ने उनको भनाइ छ।

देशभरको मौसमको विस्तृत अवस्था तथा पूर्वानुमान भने मौसम पूर्वानुमान महाशाखाले आज बिहान ८ बजेपछि सार्वजनिक गर्ने जनाएको छ।