भोटेकोशी बाढीपीडितलाई सुदूरपश्चिमेली समाजको १ लाख सहयोग

धनगढी । भोटेकोशी बाढीबाट प्रभावित परिवारहरूको लागि सुदूरपश्चिमेली नेपाली समाज अन्तर्राष्ट्रिय समितिले प्रधानमन्त्री राहत कोषमा एक लाख एक हजार रुपैयाँ सहयोग गरेको छ।

समितिले बाढीबाट प्रभावित नागरिकको राहत तथा पुनःस्थापनामा सहयोग पुगोस् भन्ने उद्देश्यले उक्त रकम प्रधानमन्त्री राहत कोषमा जम्मा गरेको जनाएको छ ।

समितिका महासचिव दिनेश खड्का ‘खप्तडी’का अनुसार विपदमा परेका नागरिकलाई सहयोग गर्ने उद्देश्यले समाजको तर्फबाट उक्त रकम प्रदान गरिएको हो ।