बाढी प्रभावित क्षेत्रमा ठूला ड्रोन मात्रै उडाउन पाइने

काठमाडौं । गृह मन्त्रालयले बाढी प्रभावित क्षेत्रमा साना तथा अनधिकृत ड्रोन नउडाउन सचेत गराएको छ ।

अनुमतिबिना अन्य साना ड्रोन उडाइएको पाइए एन्टी-ड्रोन टोली सक्रिय गरी त्यस्ता ड्रोन नियन्त्रणमा लिइने तथा जफत गरिने मन्त्रालयले जनाएको छ।

मन्त्रालयका अनुसार राहत सामग्री ढुवानी तथा शव स्थानान्तरणका लागि प्रयोग हुने १०० केजीसम्म भारवहन क्षमता भएका आधिकारिक ड्रोनलाई मात्र उडान अनुमति दिइने छ।

उद्धार तथा राहत कार्यलाई सुरक्षित, व्यवस्थित र प्रभावकारी बनाउन सबैलाई यस सूचनाको पालना गर्न गृहमन्त्री सुधन गुरुङले आग्रह गरेका छन्।