भारी वर्षापछि सुदूरपश्चिमका सात पहाडी जिल्लामा यातायात बन्द

धनगढी । लगातारको वर्षासँगै बाढी, पहिरो र भूक्षयको जोखिम बढेपछि सुदूरपश्चिमका सात पहाडी जिल्लामा सवारीसाधन सञ्चालनमा रोक लगाइएको छ।

भारीदेखि अति भारी वर्षाको पूर्वानुमानपछि डोटी, बझाङ, अछाम, बाजुरा, डडेल्धुरा, बैतडी र दार्चुलामा स्थानीय प्रशासनले यात्रामा रोक लगाएका हुन्।

सडक र भौगोलिक अवस्था जोखिमपूर्ण बनेकाले अत्यावश्यकबाहेक यात्रा नगर्न तथा सुरक्षित रहन प्रशासनले सर्वसाधारणलाई आग्रह गरेको छ।