भोटेकोशी बाढीको ४९ औँ दिन, घेवामा सहभागी भए प्रचण्ड

काठमाडौं। नेपाली कम्युनिस्ट पार्टीका संयोजक तथा पूर्वप्रधानमन्त्री ‘प्रचण्ड’ रसुवाको भोटेकोशी बाढीमा ज्यान गुमाएकाहरूको सम्झनामा आयोजित विशेष घेवामा सहभागी भएका छन्।

बाढी गएको ४९ औँ दिनका अवसरमा नुवाकोटको बेत्रावतीस्थित उत्तरगयाधाममा बौद्ध परम्पराअनुसार लामाहरूले विशेष पूजा गरेका हुन्। मृतकहरूको आत्मशान्तिको कामना गर्दै आयोजना गरिएको पूजामा सहभागी प्रचण्डले उनीहरूप्रति भावपूर्ण श्रद्धाञ्जली व्यक्त गरे।

बाढीबाट घरबारविहीन भएका परिवारका लागि वाईसीएल नेपालले निर्माण गरेका अस्थायी आवास हस्तान्तरण गर्न नुवाकोट पुगेका प्रचण्ड मृतकहरूप्रति श्रद्धाञ्जली व्यक्त गर्न बेत्रावतीस्थित उत्तरगयाधाम पुगेका हुन्।