वामपन्थी शक्तिबीच एकताको विकल्प छैन : प्रचण्ड

काठमाडौं । नेपाली कम्युनिष्ट पार्टी (नेकपा) का संयोजक ‘प्रचण्ड’ले मुलुकलाई अग्रगामी दिशामा अघि बढाउन वामपन्थी शक्तिबीच एकता आवश्यक रहेको बताएका छन्।

नेकपाको काठमाडौं जिल्ला समितिको एकता बैठक तथा राष्ट्रिय जागरण अभियान उद्घाटन गर्दै उनले कम्युनिष्ट शक्तिहरू एकताबद्ध हुनुको विकल्प नरहेको बताए।

विगतदेखि नै वामपन्थी शक्तिलाई एकताबद्ध बनाउने प्रयासमा लागेको उल्लेख गर्दै प्रचण्डले विगतका कमजोरी र असफलताबाट पाठ सिकेर अघि बढ्न सबैलाई आग्रह गरे।

‘हिजोको असफलताबाट पाठ सिकेर फेरि एकपटक कम्युनिष्ट एकताको झण्डा उठाउनुपर्छ,’ उनले भने।

प्रतिक्रिया लेख्नुहोस्

दर्ता आवश्यक छैन।

प्रतिक्रिया गरेर तपाइँ गोपनीयता नीति स्वीकार गर्नुहुन्छ