कविता : मेरै तस्बिरको तारिफ

कालो सेतो तस्बिरमा
हँसिलो र उज्यालो देखिन्छ चेहरा
काँधसम्म झरेको मेरो कपाल,
आँखामा सयौं सपनाको बास छ।

चश्माको फ्रेमपछाडि,
गहिरिएको मेरो दृष्टिले
खोजिएको छ निकास
नाकको सानो फुलीमा
सजिएको छ पुर्वीया संस्कृति।

सेतो कुर्ताको शालिनता,
कालो सलको न्यानोपन,
शब्दले नबोली भनेको छ
“म छु यहाँ, आफ्नोपनमा।”

घरको कुनाको उज्यालोमा,
उभिएकी म शान्त देखिन्छु
मेरो तस्बिरको
मुस्कानमा लुकेको छ,
हजार कथा अविरान्त।
मेरै तस्बिरको तारिफमा
लेखेकी छु,मेरै भावको कविता