चिनियाँ राष्ट्रपतिको पुस्तक जलाइएको घटनाप्रति चीनको चासो

काठमाडौँ । मोरङको मनमोहन टेक्निकल इन्स्टिच्युटमा चिनियाँ राष्ट्रपति सी जिनपिङद्वारा लिखित ‘द गभर्नेन्स अफ चाइना’ पुस्तक जलाइएको घटनाप्रति चीनले चासो देखाएको छ।

काठमाडौँस्थित चिनियाँ दूतावासबाट प्राप्त कूटनीतिक पत्रका आधारमा गृहमन्त्रालयले आवश्यक कारबाहीका लागि प्रहरीलाई पत्राचार गरेको हो ।

सो घटनाका सम्बन्धमा अनुसन्धान गर्न दोषीलाई कानुनी दायरामा ल्याउन मोरङको प्रमुख जिल्ला अधिकारी र प्रहरीलाई गृहमन्त्रालयले निर्देशन दिएको छ ।

उक्त घटनालाई कूटनीतिक रूपमा संवेदनशील मानिएकोले सम्बन्धित निकायहरू अनुसन्धानमा सक्रिय भएका छन्।