अमेरिका–इरान तनाव फेरी चर्कियो

काठमाडौं । अमेरिका र इरानबीच फेरि सैन्य तनाव बढेको छ। अमेरिकाले इरानमा गरेको आक्रमणको जवाफमा इरानले इराक र जोर्डनस्थित अमेरिकी सैन्य अड्डालाई लक्षित गरी क्षेप्यास्त्र प्रहार गरेको छ।

दक्षिणी इरानको सिरिकमा अमेरिकी आक्रमणबाट चार जनाको मृत्यु र ५० भन्दा बढी घाइते भएको इरानी रेड क्रेसेन्टले जनाएको छ। मृत्यु हुनेमा एक बालकसमेत छन्।

जोर्डनले इरानबाट प्रहार गरिएका १३ वटा ब्यालिस्टिक क्षेप्यास्त्र रोकेको जनाएको छ। घटनापछि कुवेत र बहराइनमा समेत सुरक्षा सतर्कता बढाइएको छ।