रास्वपा सचिवालय बैठक जारी, भोटेकोशी विपद् र समसामयिक राजनीतिबारे छलफल

काठमाडौं । राष्ट्रिय स्वतन्त्र पार्टी (रास्वपा) को केन्द्रीय सचिवालय बैठक अहिले जारी छ।

बैठकमा भोटेकोशी बाढीबाट भएको जनधनको क्षति, उद्धार तथा राहतका लागि भइरहेका कामको समीक्षा गरिँदैछ। साथै विपद्पछिको अवस्थालाई सम्बोधन गर्न पार्टीले आगामी दिनमा अपनाउने रणनीतिबारे पनि छलफल हुने जनाइएको छ।

बैठकमा समसामयिक राजनीतिक घटनाक्रमलगायत विषयलाई समेत एजेण्डाका रूपमा समेटिएको छ। पार्टीको आगामी राजनीतिक गतिविधि र कार्यदिशाबारे पनि बैठकमा छलफल हुने बताइएको छ।