माडीमा ‘रातो राजनीति’ बारे सडक संवाद हुँदै

काठमाडौं । चितवनको माडीमा ‘माडीको रातो राजनीति : हिजो र आज’ विषयमा सडक संवाद कार्यक्रम आयोजना हुने भएको छ।

वैज्ञानिक समाजवादी कम्युनिस्ट पार्टी, नेपालको आयोजनामा आइतबार माडीको बसन्तपुरस्थित दिवाकर चोकमा कार्यक्रम हुन लागेको हो। दिउँसो २ बजे सुरु हुने कार्यक्रममा विभिन्न राजनीतिक तथा वैचारिक क्षेत्रका व्यक्तित्वहरूले विचार राख्नेछन्।

कार्यक्रममा नेपाली कम्युनिस्ट पार्टीका केन्द्रीय सदस्य ऋषि काफ्ले, भौतिकवादी समाज नेपाल चितवनका अध्यक्ष ओमनाथ पाण्डे, राजनीतिकर्मी विष्णुमती महतो र वैज्ञानिक समाजवादी कम्युनिस्ट पार्टी, नेपालका महासचिव आहुति वक्ताका रूपमा सहभागी हुनेछन्।

माडीको राजनीतिक इतिहास, कम्युनिस्ट आन्दोलन र वर्तमान राजनीतिक अवस्थाबारे विचार विमर्श गर्ने उद्देश्यले सडक संवाद आयोजना गर्न लागिएको आयोजकले जनाएको छ।

प्रतिक्रिया लेख्नुहोस्

दर्ता आवश्यक छैन।

प्रतिक्रिया गरेर तपाइँ गोपनीयता नीति स्वीकार गर्नुहुन्छ