काँग्रेसका १ सयबढी नेता कार्यकर्ता माओवादी प्रवेश

सिरहा । नेपाली काँग्रेसका एक नेतासहित करिब एक सय नेता कार्यकर्ता नेकपा माओवादी केन्द्रमा प्रवेश गरेका छन् । गत स्थानीय निर्वाचननमा सिरहाको औरही नगरपालिका वडा नम्बर ४ का वडा अध्यक्षका प्रत्यासी गंगाराम यादवले एक सय बढी कार्यकर्ताले काङ्ग्रेस छोडेर माओवादीमा प्रवेश गरेका हुन् ।

जनतासँग माओवादी, तराई मधेस जागरण अभियानका क्रममा शनिबार औरही ४ इटाटारमा आयोजित कार्यक्रममा अध्यक्ष प्रचण्डले नवप्रवेशीलाई स्वागत गर्नुभएको थियो ।

गत स्थानीय निर्वाचनमा यो वडा माओवादी केन्द्रले जितेको थियो भने काङ्ग्रेस दोस्रो भएको थियो । आज माओवादी केन्द्र प्रवेश गर्नुभएका यादवले उक्त निर्वाचनमा ५२५ मत प्राप्त गर्नुभएको थियो । यो वडा यादव समुदायको बाहुल्यता भएको वस्ती हो।

कार्यक्रमलाई सम्बोधन गर्दै अध्यक्ष प्रचण्डले हुलाकी मार्ग केन्द्रित अभियानले दक्षिण नेपालको रुपरेखा फेर्न सहयोग गर्ने बताउनुभयो । लामो समय अलपत्र परेको हुलाकी मार्ग अघि बढाउन आफूले २०७३ मा प्रधानमन्त्रीको रुपमा भारत भ्रमण गर्दा भारतीय प्रधानमन्त्री नरेन्द्र मोदीसँग छलफल गरी सहयोग सुचारु गरेपछि योजना अघि बढेको जानकारी दिनुभयो