भोटेकोशी बाढीबारे छलफल गर्न सर्वदलीय बैठक बस्दै

काठमाडौँ । भोटेकोशी नदीमा आएको भीषण बाढीबाट भएको क्षति तथा प्रभावित क्षेत्रमा जारी खोज, उद्धार र राहत अभियानबारे छलफल गर्न आज सर्वदलीय बैठक हुँदैछ।

राष्ट्रिय स्वतन्त्र पार्टी (रास्वपा) का प्रवक्ता जगदीश खरेलका अनुसार बैठक दिउँसो २ बजे सिंहदरबारस्थित रास्वपा संसदीय दलको कार्यालयमा बस्नेछ।

बैठकमा बाढीबाट भएको जनधनको क्षतिको समीक्षा, अझै सम्पर्कविहीन रहेकाको खोजी तथा उद्धार, प्रभावित परिवारलाई राहत उपलब्ध गराउने विषय र पुनःस्थापनाका लागि आवश्यक कदमबारे छलफल हुने बताइएको छ।

भोटेकोशी बाढीपछि प्रभावित क्षेत्रमा उद्धार तथा राहत कार्य जारी रहेकाले त्यसलाई थप प्रभावकारी बनाउन राजनीतिक दलहरूबीच साझा धारणा बनाउने उद्देश्यले बैठक बोलाइएको हो।