काठमाडौं । नेपाली कांग्रेसले १५ औँ महाधिवेशनअन्तर्गत आज देशभर पालिका तहको अधिवेशन गर्दैछ। पार्टीको स्थानीय सांगठनिक संरचना निर्माण तथा नयाँ नेतृत्व चयनका लागि पालिका अधिवेशन आयोजना गरिएको हो।
कांग्रेस केन्द्रीय निर्वाचन समितिका अनुसार अधिकांश वडामा नेतृत्व चयन प्रक्रिया शान्तिपूर्ण रूपमा सम्पन्न भइसकेको छ। बाढीपहिरो प्रभावित नुवाकोट र धादिङका सबै वडामा मंगलबार अधिवेशन सम्पन्न भएको समितिले जनाएको छ।
मधेस प्रदेशका सिरहा, सप्तरी, सर्लाही र पर्साका केही वडामा पनि अधिवेशन सम्पन्न भइसकेको निर्वाचन समितिले जानकारी दिएको छ। तर बाढीपहिरोबाट ठूलो मानवीय तथा भौतिक क्षति भएको रसुवामा भने विशेष परिस्थितिलाई मध्यनजर गर्दै केही दिनपछि मात्र अधिवेशन गर्ने तयारी गरिएको छ।
निर्वाचन समितिका सदस्यसचिव राजु कटुवालका अनुसार नयाँ विधान र निर्वाचन निर्देशिकाबमोजिम पालिका अधिवेशनबाट प्रत्येक पालिकामा पाँच जना पदाधिकारी निर्वाचित हुनेछन्।
व्यवस्थाअनुसार एक सभापति, एक महिलासहित दुई उपसभापति, एक सचिव र एक सहसचिव चयन हुनेछन्। कोषाध्यक्ष भने निर्वाचित कार्यसमिति सदस्यमध्येबाट सभापतिले मनोनयन गर्ने प्रावधान रहेको छ।
नारायणगढ–मुग्लिन सडक राति ८ बजेदेखि बिहान ५ बजेसम्म बन्द 
एमाले केन्द्रीय कमिटीमा ३३ नेता मनोनीत (सूचीसहित) 
एमाले स्थायी कमिटिमा थपिए सात नेता 
भरत दाहाललाई थुनामुक्त गर्न सर्वोच्चको आदेश 
ताप्लेजुङको दोभान बजारमा भीषण आगलागी 
विपद् व्यवस्थापनका लागि सर्वदलीय संसदीय संयन्त्र गठन गरिने 
प्रचण्डले बोलाए कार्यसंयोजन समिति बैठक 
ज्ञानबहादुर शाहीको प्रश्न– ‘जेनजी आन्दोलनका दोषीलाई कारबाही खोइ ?’ 
नेपाली कांग्रेसकी सांसद थपलियाको प्रश्न–‘सत्तामा पुगेकाले जनताको अवस्था किन बुझ्दैनन् ?’ 
रवि लामिछाने नेतृत्वको उच्चस्तरीय राजनीतिक संयन्त्रलाई निरन्तरता 
