काठमाडौं । फागुन २१ मा हुने प्रतिनिधिसभा सदस्य निर्वाचनका क्रममा मतदान हुनुभन्दा ७२ घण्टा अघि भारत र चीनतर्फको सीमा नाका बन्द (बोर्डर सील) गरिने भएको छ ।
सशस्त्र प्रहरी बलका सहायक प्रवक्ता डीएसपी शैलेन्द्र थापाका अनुसार शुक्रवार विराटनगरमा सम्पन्न सशस्त्र प्रहरी बल नेपाल र भारत सशस्त्र सीमा बल (एसएसबी) बीचको १६औँ डीआईजी स्तरीय समन्वय बैठकमा त्यस्तो निर्णय भएको हो ।
नेपालको तर्फबाट सीमा सुरक्षको जिम्मेवारी सशस्त्र प्रहरीले बहन गर्दै आएको छ ।
शुक्रवारको बैठकमा सीमा सुरक्ष, सूचनाको आदान–प्रदान, तेस्रो मुलुकका नागरिकको अवैध प्रवेश नियन्त्रण, मानव बेचबिखन, नक्कली मुद्रा, हातहतियार तथा लागूऔषध ओसार–पसार नियन्त्रण सहितका विषयमा छलफल भएको डीएसपी थापाले जनाएका छन् ।
सीमा स्तम्भको संरक्षण, यात्रु सहजीकरण, संयुक्त गस्ती, विपद् उद्धार अभ्यास तथा आपसी खेलकुद गतिविधि सञ्चालन गर्ने विषयमा समेत दुवै पक्षबीच छलफल भएको उनले जनाए ।
सीमा क्षेत्रका सम्भावित नाका पहिचान गरी त्यसबाट हुनसक्ने खतरा मूल्याङ्कन गर्ने, शरणार्थी,आप्रवासीहरूको गतिविधिमाथि निगरानी राख्ने, विभिन्न तह बनाई चेक पोइन्ट र बेरियर खडा गर्ने, आपराधिक तत्त्वबाट हुनसक्ने घुसपैठ कडाइका साथ नियन्त्रण गर्ने, सीमा क्षेत्रमा मादक पदार्थ विक्री वितरण र सेवनमा पूर्णतः बन्देज गर्ने लगायत विषयमा दुईपक्षीय छलफल भएको छ ।
उक्त बैठकमा सशस्त्रका तर्फबाट नं १ बराह बाहिनी मुख्यालय सुनसरीका बाहिनीपति डीआईजी कुमार न्यौपाने र एसएसबीका तर्फबाट डीआईजी सरोजकुमार ठाकुर सहभागी थिए ।
चिलिमे आयोजनाको सुरुङमा तीन शव फेला 
विपन्न बालबालिकालाई कपडा सहयोग 
राष्ट्रपतिद्वारा नेपाल विशेष सेवा ऐनसम्बन्धी विधेयक प्रमाणीकरण 
लागूऔषध दुर्व्यसन र आत्महत्या विरुद्ध सडक नाटक प्रदर्शन 
रसुवा बाढीको वैज्ञानिक अध्ययन गर्न ७ सदस्यीय विज्ञ समिति गठन 
जेनजी आन्दोलनको विध्वंसबारे निष्पक्ष छानबिन गर्न प्रचण्डको माग 
जेनजी आन्दोलनका माग पूरा गर्न सरकारलाई प्रकाश ज्वालाको आग्रह 
जेनजी आन्दोलनको एक वर्ष पूरा 
देउवा राहत सामग्रीसहित बाढी प्रभावित नुवाकोटतर्फ 
उद्धारमा सरकार चुकेको आङदेम्बेको टिप्पणी 
