डीएनए पहिचान विज्ञसहित चिनियाँ सैन्य विमान नेपाल आइपुग्यो

काठमाडौं । भोटेकोशी बाढी प्रभावित क्षेत्रमा राहत तथा उद्धार कार्यमा सहयोग पुर्‍याउन चीनले डीएनए पहिचानसम्बन्धी विज्ञ र राहत सामग्री नेपाल पठाएको छ।

चिनियाँ सेनाको विमान मंगलबार साँझ त्रिभुवन अन्तर्राष्ट्रिय विमानस्थलमा अवतरण गरेको हो। विमानमार्फत चीनबाट पाँच जना डीएनए पहिचान विशेषज्ञ नेपाल आएका काठमाडौंस्थित चिनियाँ दूतावासले जनाएको छ।

विमानमा बाढी प्रभावितका लागि आवश्यक राहत सामग्रीसमेत ल्याइएको छ। चीनले नेपालमा पठाएको राहत सामग्रीको यो दोस्रो खेप हो।

यसअघि पनि चिनियाँ सेनाका दुई वटा कार्गो विमानमार्फत नेपालमा राहत सामग्री आईसकेको थियो। पछिल्लो सहयोगले बाढी तथा पहिरोबाट प्रभावितको उद्धार, पहिचान तथा राहत व्यवस्थापनमा थप सहयोग पुग्ने अपेक्षा गरिएको छ।

https://www.facebook.com/share/r/17ezScYwkW/