भारतीय राजदूतले पुगे रसुवाको स्याफ्रुबेसी

काठमाडौं । नेपालका लागि भारतीय राजदूत नवीन श्रीवास्तव बाढी प्रभावित रसुवाको स्याफ्रुबेसी पुगेका छन्।

चिलिमे जलविद्युत् आयोजनाको सुरुङमा फसेकाको उद्धारमा खटिएको भारतीय प्राविधिक टोलीसँग भेट्न उनी स्याफ्रुबेसी पुगेका हुन्। नेपाली सेनासँग सहकार्य गरिरहेको भारतीय टोलीले सुरुङभित्र करिब १०० मिटरको दूरीसम्म पहुँच बनाएको राजदूत श्रीवास्तवले बताएका छन्।

अब सुरुङभित्र थप प्रवेशका लागि भारी उपकरण लैजाने तयारी भइरहेको छ। कठिन भूगोल र दलदलका बीच नेपाली तथा भारतीय टोलीले उद्धार तथा खोजीलाई निरन्तरता दिइरहेका छन्।