‘सामाजिक सञ्जालको अल्गोरिदमले समाजमा भ्रम फैलायो’ : पोखरेल

काठमाडौं । नेकपा एमालेका महासचिव शंकर पोखरेलले सामाजिक सञ्जालको अल्गोरिदमले समाजमा विकृति र भ्रम फैलाइरहेको बताएका छन्।

आइतबार टोखा नगर कमिटीले नेपाल संवत् ११४७ को अवसरमा आयोजना गरेको कार्यक्रममा उनले सामाजिक सञ्जालको दुरुपयोगले मौलिक संस्कृति, परम्परा र मूल्य–मान्यतामाथि चुनौती थपेको बताए।

उनले सूचना प्रविधिको विकासलाई आत्मसात् गर्दै त्यसबाट सिर्जना हुने विकृति नियन्त्रण गर्नुपर्नेमा जोड दिए।

पोखरेलले वर्तमान सरकारले महँगी नियन्त्रण र जनताको जीवनस्तर सुधार गर्न नसकेको आरोपसमेत लगाए। मौलिक चाडपर्व र संस्कृतिको संरक्षणले राष्ट्रिय एकता बलियो बनाउने उनको भनाइ थियो।

प्रतिक्रिया लेख्नुहोस्

दर्ता आवश्यक छैन।

प्रतिक्रिया गरेर तपाइँ गोपनीयता नीति स्वीकार गर्नुहुन्छ