सुरक्षा प्रमुखसँग प्रधानमन्त्रीको छलफल

काठमाडौं । प्रधानमन्त्री वालेन्द्र साहले भोटेकोशी बाढीबाट उत्पन्न परिस्थितिबारे तीनवटै सुरक्षा निकायका प्रमुखसँग छलफल थालेका छन्।

गत भदौ १० गते रसुवामा भोटेकोशी नदीमा आएको बाढीपछि प्रभावित क्षेत्रमा भइरहेको खोज तथा उद्धार, राहत वितरण र घाइतेको उपचारलगायतका अवस्थाबारे जानकारी लिन प्रधानमन्त्री साहले सुरक्षा प्रमुखहरूसँग छलफल गरेका हुन्।

सिंहदरबारस्थित प्रधानमन्त्री तथा मन्त्रिपरिषद्को कार्यालयमा प्रधानमन्त्री साहले बुधबार नेपाली सेनाका प्रधानसेनापति अशोकराज सिग्देलसँग छलफल गरिरहेका छन्।

प्रधानसेनापति सिग्देलसँगको छलफलपछि प्रधानमन्त्री साहले नेपाल प्रहरीका महानिरीक्षक दानबहादुर कार्की र सशस्त्र प्रहरी बलका महानिरीक्षक नारायणदत्त पौडेलसँग पनि भेटवार्ता गर्ने कार्यक्रम रहेको छ।

छलफलका क्रममा बाढी प्रभावित क्षेत्रमा भइरहेका उद्धार तथा खोजी कार्य, राहतको अवस्था र उपचार सेवाबारे सुरक्षा निकायका प्रमुखबाट विस्तृत जानकारी लिने तयारी छ। साथै, प्रभावित क्षेत्रमा आवश्यक थप पहल तथा समन्वयका लागि प्रधानमन्त्रीले निर्देशन दिने बताइएको छ।